GospelSociety
Gospel Society
Despues di a eksperiementa ku musika afro amerikano kristian 'Black Gospel'
na otro leguahe ku no ta Ingles. Leo Davelaar a aserka algun ex miembronan di
Rotterdam Mass Choir pa krea e estilo di musika popular aki na Papiamentu.
E empenjo tabata grandi i sin hasi menos na e kalidat i e estilo kultural di Gospel
a krea un zonido meskos. A adapta hinter e konsepto na e prinsipio musikal ku
a nanse den e veld na n di katuna a suit di merka. E call & respons tabata e parti
mas importante uzando e pregonan tradishonal ku bo por hanja solamente den e
estilo aki.
E konstelashon di Gospel Society na inisio tabata domina pa gran mayoria di hendenan
ku no tabata domina e lenga Papiamentu pero esaki no a stroba e proseso sino
tabata un gran bendishon paso e kantantenan tabata sigi e liderato kompletu di Leo.
Awe ainda e piesanan aki ta zona i kada bes di nobo e kansionan ta zona manera
nobo. Gospel Society ta un ministerio ku kier uza e estilo di musika Afro-Amerikano Kristian
pa enkurasha tur hende ku ta papia i of ta kompronde e lenga papiamentu.
prosedente di afrika ta praktikamente similar.
E Teoria di Amor
Despues di kasi un dekada di ousensia Gospel Soceity ta
bek i ta produsi un produkshon nobo tilutal 'E teoria di Amor'
E produkshon aki ta hasi inisio na un periodo nobo pa
e ministerio di Gospel Society i pa musika koral.
E konsepto di e produkshon aki ta hopi kolorido den
artikulashon i interpretashon di musika kristian na Papiamentu.
E kantantenan sin duda algun ta presenta un tekstura melodiko
i harmoniko sofestika. Poniendo asina ku e letra i melodia ta
meskla den un solo frase musikal.
E meta ku e produkshon aki ta pa hasi un inisio na eksplorashon
pa enkorporá estilo musikal tradishonal lokal den musika kristian.
Discografia
Pa Enkurasha Bo
Pa enkurasha bo ta e prome produkshon di
Gospel Society. Aki bo lo enkontra ku piesanan
epiko di Richard Smallwood, Yolanda Adams,
Donnie Mc Clurikin, Smokie Norful i Mary
Mary.
Ainda e piesanan aki tin un forsa tremendo
pa enkurasha tur ku tin nesesidat pa fortifika
nan mes.
Ta Intimo Ku Bo
Ta Intimo ku Bo tabata e sigiente stap gigante
ku Gospel Society a tuma. Den e produkshon
aki a nase piesanan epiko manera Herederonan
di Abraham, Laga Bai, Mi lo tey pa bo i e piesa
mas konosí den e komunidat ku ta kompronde
i papia Papiamentu, Nos huntu lo vense.
Pa bo por hanja un bista total di musika afro
amerikano i eksperensha e evolushon ku a mira
desaroya den e ultimo anja, bo tin ku skucha e
produkshon aki.
Smail
Smail a nase na momento ku na 2011 Leo
Davelaar tabata na Korsou i a disidi na forma
un konhunto di kantantenan lokal ku e meta
pa krea algu permanente i alabes produsi
musika kristian ku residentenan di e pais.
E produkshon aki ta presenta un meskla di
musika kristian popular di diferente genero
den musika kristian.
Ta importante pa bosa ku despues di e
produkshon aki Gospel Society a sigi traha
riba dos produkshon ku ainda no a wordu
publiká. Pesei keda pendiente Restorashon
[2010] I Testimonio [2012].
Enkuentro Musikal
Gospel Society kier krea un konsepto nobo pa
presenta musika kristian na e oudensia. Un konsepto
importante ta e transformashon di konsierto pa un
enkuentro musikal.
Despues di a partisipa na e konsierto For His Glory
na 2018 a nase e nesesidat pa krea partisipante i no
mirones na nos programa musikal. Pa por trese kambio
i eduka bo mester krea e plataforma i esaki Gospel
Society kier hasi.
Pa e proksimo periodo e vishon ta pa krea enkuentro
nan musikal kaminda e publiko tambe por partisipa
den esaki. Prepara bo pa enkorporá un estilo nobo
di wordu deiletá.
TOUR ENKUENTRO MUSIKAL
Pa presenta e produkshon nobo E Teoria di Amor, Gospel Society lo kuminsa un gira
den e stadnan ku Yunan di Papiamentru ta biba. Debi na e situashon di e pandemia
nos tin ku adapta nos programa i tambe e kantidat di persona presente no por
surpasa 100 persona.
Sigi nos pagina pa asina bo hanja tur informashon di forma ku bo tambe por forma
parti di nos enkuentro musikal den bo stad.